في الامس البعيد الي قبل شهر تقريباً كنت في مدينة دبي و بالتحديد في سوق الامارات مول , حيث كنت في تلك اللحظه مفرك من ندوات منعقده في فندق الجميرا بيتش وكانت وجهتي لسوق دبي مول , وفي تلك اللحضات و انا امر في حالة عالية من الفهاوهـ الا مقصودهـ و اذ بـ احدهم من الجنسية الاجنبية ( خواجه ) يوقف عندي مقابل وجهي بجوار النافوره الي تروقص و يقولي ( بيكشر ) وهو يومي بالكمره الي بيدهـ ( يومي يعني يأشر ) في تلك اللحظه الله ستر ان معي من يشد على ازري بعد اي موقف اكون فيه مفهي وهو مدير الاخراج في الاذاعة ناظرت له و قال صور صور ( وهو يبتسم ) الزبدهـ اخذت صورة مع ذاك الخواجه لكن اكتشفت شي بعدها , وهو ان الهوية العربية ( وليس الاماراتية ) يخاف عليها من الزوال في مدينة دبي مع جهود حكومة دبي للحفاظ على هذه الهوية بشرطهم على اصحاب المحلات كتابة اللوحات باللغة العربية لكن اعتبر ما حصل هو ضريبه لا بد منها للدخول في العولمه
في يوم 23 نوفمبر كنت ضمن الوفد المبتعث من اذاعة المملكة العربية السعودية لحضور ( Broadcast Pro Middle East )منتدى صناعة المحتوى بالاضافة الى تمثيل الاذاعة في مسابقة افضل البرامج و الاعمال التقنية الاكثر تميزاً في مدينة دبي في فندق الجميرا بيتش مع الدكتور رياض نجم ( وكيل الوزارة للشئون الهندسية ) و المهندس ابراهيم الرويتع ( مدير المشاريع بوزراة الاعلام ) و الاستاذ براهيم الزاحم ( مدير ادارة الاخراج ) و طبعاً انا 
وكان تحت رعاية أتحاد أذاعات الدول العربية , في منتدى صناعة المحتوى كان فيه بعض العروض الاشبه بالخيالية و القائمين عليها ليست شركات بل قنوات تلفزيونيه , و طرح الابداع و التميز لديهم في مجال الاعلام و صناعة المحتوى ( عكس ربعنا جب شركه و اطرد الشركه و غير الشركه مع صرف المستحقات لهم كانها بدون شروط ) من ضمن المشاركين بالمؤتمر كانت Dorothy Donnan مديرة المكتبات في مجموعة MBC وهي بنت مزيونه ببداية شوفي لها بـ ببالي انها الشيخه اوبرا ( oprah winfrey ) لان النظر عندي 4 على 6 و طبعاً الجسم و القوام كان مقارب لبعضهم هي و اوبرا 
كان حديثها عن المكتبة و الارشفة في مجموعة ام بي سي و تم عرض مقطع فيديو قصير عن الارشفة في المجموعة , الزبدهـ ما ميز هذا المنتدى وهو برعاية اتحاد اذاعات الدول العربية هو عدم حضور اي اذاعة عربية و كانت لغة المنتدى الانجليزية , من ما جعلت بدوي في ذاك المكان يصاب ببعض الدلاخه .. إقرأ المزيد…
لي تقريباً اكثر من ساعه متابع للهاش الخاص بالشيخ الكبير و الاستاذ القديم عفواً القدير سلمان العودهـ , و بعد متابعه لاكثر من 55 دقيقة اكتشفت ان ماني فاهم شي , لان حسب نظرتي البدوية البسيطه في الوقت الحديث , الشيخ سلمان العودهـ بداء يتوجهه توجه غريب لان حسب ردودهـ , مؤيد للاحزاب و معارض للبعض وكانه نسى ان المسلمين يجمعهم حزب الاسلام حسب ما عرفناهـ في الفطره, و حبيت ان مخي يطلع من المتابعه لان عارف بعد كم سنه راح يتغيير التفكير عند الشيخ حفظه الله و رعاهـ , طبعاً العنوان مختلف عن بداية التدوينه , لكن التدوينه سببها بعد ما طلع روحي الشيخ الله يحفظه بالمتابعه و مع ملايين المغردين في الهاش الخاص فيه قلت ابي اخذ لفه على حسابي في الفيس بوك و خاصة اني تذكرة تعليق لي على الاعلامية عمشة خوري وهو تقريباً اثار نرجسيتها الاستقراطية و انا ما ادري وش سبب متابعة الناس لـ ( عالم دخل الحداثه و صار تويتر منبرهـ و يتم بأنه من الاخوان ( الغير معتدلين بالنسبة لعاداتنا و تقاليدنا ) ) و مع عمشه خوري ,وهي تعتبر اعلامية سعودية تعمل في مجال عرض الازياء على الاجسام الغريبة لان جسمها و شكلها رومنسي ( اللهم لا شماته ) و الي خلاني اكتب عنها ان بعد عمل دراسة على مخ هالاعلامية الشابه . حيث تم اكتشاف انها تعاني من ( هذيان الطموح ) وهو احد انواع مرض ( megalomania ) و بعيد عن حالتها ( الله لا يبلانا ) اكتشفت ان نسبه كبيره من اصدقائها ( وبعضهم من شلتنا )مصابين بـهستره داخلية ( Excessive stupidity ) حيث الاعلامية السعودية تقول .. إقرأ المزيد…
اعلان في جريدة الجزيرة اليوم بمناسبة تدشين الجيل الرابع في المملكة موبايلي و الاتصالات يدعون انهم اول من يدشن الجيل الرابع بالمملكة و الشرق الاوسط , مع ان شركة قو حسب اعلاناتهم لاكثر من سنتين انهم يشتغلون على الجيل الرابع 
فا من هو الكذاب فيهم 
( shy teenager dies after first kiss with boyfriend ) , هذا عنوان خبر نشر في الصحف و الجرايد و المجلات ( وش فرق الصحف عن الجرايد ؟؟ ما علينا ) هالخبر بعد ما تقراهـ تقول الله يستر بستره ( اذا كنت تعرف عنجليزي ) لان راح تستغرب منه و تعتبرهـ من النوع الصلخ الاعلامي الواسع في محيط الاعلام الغربي , من في الصورة هي فتاه ( حلوهـ فتاهـ ) اسمها جيما بنت بنيامين من اسم ابوها يقال انها يهودية لكن وجهه المرحومة اقرب ما تكون من المسيحين , طبعاً ذكرها في هذي التدوينة هو من باب تحليل سريع و ربط الصفات الشخصية الفسيولوجية و السيكولوجية للمرحومه , عشان يكون تحليلنا مبني على معلومه معينه , يجب نعرف وش الفرق بين الاثنين او نفهم وش هم الصفحات الاساسية بينهم , و ممكن يكون داعم لنا في معرفة الصفات الفسيولوجية نستفيد من صورة المرحومه و المقالة بتفيدنا في معرفة الصفحات السيكولوجية للمزيونه , عفواً المرحومه . طبعاً الصفات الفسيولوجية تعرف في علم النفس او علم التفكير الحسي و التقاء الروح ( علم جديد هذا ادري بس لا تدققون ) هي علم الجسد و تبنى على الطول و الوزن و صفات الجسم و مثل ما ذكرنا انه نقدر نحددها من خلال الصورة , و الصفات السيكولوجية وهي تعرف بالصفات .. إقرأ المزيد…
من كم يوم تم عملية اختراق لـ احد الملاقيف وهو عبدالرزاق ولد خالتي الملقب بـ [قوقي] وطريقة الاختراق تم من احد اقسام الهندسة العكسية , و بالتحديد من خلال الهندسة الاجتماعية , اكيد احد الي يقرون هذي التدوينة راح يقول وش عندهـ البدوي سوالفة واجد و يتفلسف , طبعاً الهندسة العكسية تدرس بطرق غير مباشرة في الادارة و التسويق و البرمجة و التطوير , وهي معرفة الاخطاء و الثغرات في الانظمة و استغلالها , وفي الكون اكثر ما يوجد هو الانظمة , مثل المخ و الكمبيوتر , و البرامج و المشاريع حتى معدة الانسان و كل شيء يبنى على اسس و معايير و الهندسة العكسية في الوقت الحالي صار متعارف عليها في مجال التقنية و امن المعلومات فقط , ولكن في مجالات كثيرة موجوده و انا في دراستي في مادة مبادئ الادارة ( وش عندي مسوي دارس دكتوراهـ ) كان فيه كلام كثير عن الهندسة العكسية لكن الله يهدية مؤلف الكتاب ما وضح الجزئية هذي لكن تفلسف فيها و اعطاها مسمى ثاني تقريباً هو مراقبة الاخطاء و الاستفادة منها وهو هذا هو المعنى الاساسي للهندسة العكسية , في هذا الموضوع عشان التركيز لازم الشخص يفهم وش هو الاساس و ايش هي الفروع فـ الاساس هو الهندسة العكسية
وفيه لها بـ عالم الهكر فروع كثير يستخدمونها الهكر في الاختراق من ابرزه
1- الهندسة الاجتماعية
هذا القسم يستخدمونه المبتدئين و المحترفين بالهكر لكن المبتدئين هم اكثر استخدام له وهو نفسة الي تم اختراق [قوقي] من خلاله .. إقرأ المزيد…
عالم مطوري الويب هو عنوان حلقة هذا الاسبوع في برنامج اذاعة نت , الذي تم بثها على اثير اذاعة الرياض وهو من اعدادي انا والاخ علي الغبيشي و من تقديم الاخ علي الغبيشي وكان النقاش يدور حول تعريف المصادر المفتوحه و الويب 2 , وشرح مبسط للمترجمات و الحديث عن الرياض و الشرقية و مكة قيكس و دورها في تطوير و تنمية مهارات المبرمجين و المطورين العرب ,
ضيوف الحلقة هم
الاخ بدر نايل
احد اقدم البرمجين في الوطن العربي , ورئيس فريق البرمجة في بوابة المعرفة التابعه لوزارة التربية و التعليم
الاخ عبدالله عيد
احد مشرفين مكة قيكس , معيد في جامعة ام القرى , وهو متخصص في بناء لغات البرمجة
الاخ رائد السعيد
احد مشرفين الرياض قيكس
الاخ صالح الزيد
احد مشرفين الشرقية قيكس
اللقاء كان ممتاز جداً
للتحميل او الاستماع اضغط هنا ( الحجم 12 ميجا )
هذا الشارع , له قصة طويلة , وهي يوم كنت انا و الاخ فيصل سالم , في امريكا , و بالتحديد بولاية سان فرانسيسكو , اعجبنا هذا الشارع واسمة شارع عنزه , والي لفت انتباه فيصل صديقي , ان فيه على واحد من البيوت و بالتحديد البيت الي ورى لوحة الشارع فيه صميل ( الصميل الي يحطون فيه الحليب ) طبعاً بيت امريكان وش جاب الصميل , تقدم فيصل للبيت وسمع عجوز تغني , قصيدة معروفة للعجايز هي ( و بحجة الكاسات , مقدر يا غالي , امي و بوي بالبيت ) بهذي اللحضة , فيصل قام يصفق و تذكر ايام كان بالرياض ويغني مع العجوز , طبعاً العجوز استغربة وش بلاهـ هذا البدوي الامريكي المهبول يصفق بالشارع طبعاً تفكرنا امريكان , قربت عندنا العجوز و جلسة تسولف معنا و كانت لهجتها بدوية لكن باللغة الانجليزية و بالتحديد لغة الشوارع عندهم ( دليل ان العجوز حوامة ) , وقالت لفيصل , وش تسون هنا يا وليدي , فيصل خنقته العبرهـ لانه تذكر جارتهم بالنسيم , الي اسمها حمده وهي تشبة العجوز , و تذكر بنتها الي اسمها عيدهـ الي كان يحبها , وقصته معاها يوم حبو بعض بعد ما كانت البنت تستلكع عليه كل يوم و تكش عليه ( الكشة هي فتح اليدين و التوجيه على الوجهه بكليهم ) ما علينا تعرفنا على العجوز وطلعت هي حمده و حلفة علينا ما نمشي كود يجي راعي البيت , وكنا نفكره زوجها , لكن الي صدمنا ان راعي البيت هو صديقنا , هاني عودهـ , والملقب في امريكا بـ ابن سمدان , طبعاً العجوز البدوية الامريكيه تعرفة عليه يوم كان هاني يتمشى في شيكاغو , وهو يعتبر من اكبر عرابجة شيكاغو , وتذكرة ولدها الي توفى وانه يشبهه و قالت تعال ابيك تصير ولداً لي و راعي البيت و ابي ازوجك بنتي عيدهـ الي هي حبيبة فيصل الخبلة , و هاني تزوج عيدهـ وصار راعي البيت
طبعاً بعد ما قابلنا هاني , فيصل كان مقهور منه لانه يعرفة من ايام الرياض , لان هاني ساكن بالنسيم وفيه معرفه بينهم لان هاني وفيصل كلهم يجلسون في مقهى العسكر بالنسيم , وكان هاني متخصص بموضوع الـ كيلوجر ودايم يحاول يخترق ايميل فيصل , بس يخاف من اخوه الكبير لان كانو كلهم صغار بالسن و اخو فيصل ابو عبدالله عربجي , ومسوي زحمه عليهم بسيارته المورسيدس الي راحت تشليح اخر حياتها .. إقرأ المزيد…
هذي الطياره هدية من احد الاشخاص العزيزين, ما ادري وش المناسبة بس الزبده قالي رح للمكان الفلاني فيه اغراض لك وهذا اونا رايح ولقيت طياره , بالبداية استغربة الموضوع وبعدها صدمني سعرها شوي , والله يعطيه العافيه عليها ,
بعد ما وصلت البيت قعدة اجمع الشباب كلهم عشان يمسكونها اذا طارة بعيد ولا ابلش فيها , اول مره الله ستر طارة اكثر من 90 متر و هي نازله صار خلل فيها بارتفاع 25 متر ولا ادري وش السبب لانها وهي بالجو وقفت , ولا لقينا شي بالصندوق الاسود :d << حلوهـ خلل
الزبده انها طياره ممتازه و الحين تقريباً انا احد الطيارين في الحي عندنا , لان بهطياره , بعضهم راح يقولون وش ولد الكاش هذا والبعض الاخر راح يقولون وش هالبدوي المهايطي هذا , بس ما علينا اهم شي اني الحين اذا قلت اني طيار كلامي صحيح :d
على فكرة : ترى الطياره موجوده بالصوره على اليسار بس مهي واضحه يمكن
بعد تدوينتي قبل امس بخصوص موضوع مذاكرتي و النتيجه كانت حرماني من المادة الي كان عنوانها [ من القراده ” بعد التعب و المذاكره أخذ حرمان من المادة “ ] اليوم كان عندي اختبار مادة الاحصاء العام و مادة التمويل و الائتمان المصرفي , طبعاً كا عادتي السنوية طلعت للاختبار بدون مذاكره وانا مرتاح نفسياً و عاطفياً لان عارف لو حملة الماده ما عندي مشكله لان هذا نصيبي فيها , مهو زي سالفة اختبار مبادئ و مهارات الاتصال الي ذكرتها بالتدوينه الاخيرة مع العلم انها الماده الوحيده الي منضبط فيها و مسوي نفسي مهتم مع الدكتور واخرتها كافئني بـ حرمان الماده , الزبده , ان اليوم اختباري دخلته وانا ما اعرف شي غير اكتب اسمي والحمد لله على كل حال اختبار الاحصاء العام جايب فيه 29 من 30 طبعاً بسبب البراشيم لان الماده فهمتها من البراشيم الي معي لان الدكتور كان مغيير بالارقام والاختبار الثاني الي هو التمويل و الائتمان المصرفي احس ان الماده سهله ولا تبي لها مشاكل و الحمد لله بعد الدرجه اتوقعها تمام يعني شبه كاملة بعون الله , طبعاً المميز فيها الدكتور [ابو ثنين] الله يزوجه مهو من النوع الي مخه مقفل من المحاضرين و الدكاتره همه ان تكون الاجابه صحيحه ولا يلزمك بالقانون والله يزوجه ان شاء الله , وصدق الدراسة غريبة , تذاكر تسقط , ما تذاكر تطلع منتاز ^ _^