طبعاً السيف مود هذا مشكله شوي لان من خلاله المخترقين للسيرفرات اذا كان معطل ( يعني الحاله اوف ) يقدر المخترق يشوف ملفات موقعك كامله
وشرح بسيط للعمليه
يجي الهكر ( بعد ما يشرب رد بول ) يرفع ملف من نوع phpsheel وهي كثيرهـ مرهـ وكل يوم ملف جديد طالع لنا
طبعاً يرفعه بأحد الطرق انه يكتشف ثغرهـ بموقع على السيرفر او يخترق جهاز صاحب موقع او من خلال مركز رفع على موقع من المواقع الموجودهـ على السيرفر ( ادري اتكلم واجد بس

اعذروني من الفضاوهـ )
ندخل بالمفيد

بالبدايه ندخل على السيرفر من خلال برنامج الشيل ( رابط لتحميل البرنامج )

بعد ما ندخل على السيرفر من خلال الشيل
نكتب الامر هذا عشان نعرف حالة السيف مود

cat /usr/local/lib/php.ini |grep safe_mode

مثل ما شفنا حالة السيف مود اوف راح نغييرهـ من خلال الامر

نكتب الامر

pico /usr/local/lib/php.ini
وهذا الامر نغيير السيف مود الخاص بالسيرفر

نبحث عن safe_mode
نغييرها الى ON مثل الموجود بالصورهـ

ونضغط على ctrl+X ورايح يجينا خيارين Y أو N نضغط على Y

وبكذا نبي نشوف وش صار بالسيف مود هل تفعل ولا لا نرجع نكتب الامر
cat /usr/local/lib/php.ini |grep safe_mode
راح نلقى
safe_mode = on

طبعاً نكتب بالاخير exit عشان نقفل الشيل
وبكذا مفعل السيف مود بالسيرفر وانتهينا من احد اهم نقاط حماية السيرفر

التصنيف: شروحات | أضف تعليقك |

هذي بعض الصور الموجودهـ على جهازي والي استخدمها كا خلفيات لسطح المكتب الخاص بجهازي وحبيت اضيفها في المدونه هنا وان شاء الله تعجبكم وهي من رسم المبدع الاخ عبدالعزيز الصادق

صورة الملك عبدالله بن عبدالعزيز

صورة الملك فهد رحمة الله

صورة الشيخ جابر رحمة الله

التصنيف: صوره و صوت | 3 تعليقات |

هذا الي قلته اليوم بعد ما حنيت لسيارتي الله يذكرها بالخير ويرحم حالها ( نيسان التيما ) زرتها من طلعة وادي لبن ( مرتفع بجوار الحجز ) وهي داخل الحجز بسبب ان السيارهـ تم سرقتها من شباب الله يسامحهم ( لو اعرفهم اعطيهم الي يبون بس يسلمونيها ولا يسلمونها حماة الوطن )

طبعاً سالفة السيارهـ انها تم سرقتها من بعض عيال الحمايل  من اكثر من شهر ونص ومسكوها شرطة حي العليا وتم حجز السيارهـ بتشليح عفواً بحجز وادي لبن وحجز وادي لبن يوم استلمو  السيارهـ كانت تمشي وبعد اسبوع قصو رجلها اليسار ( فكور الكفر والقطع الي ماسكه الكفر ) وبعدها بكم يوم طار الصدام  وموضوع السيارهـ الي يقهر فيه ان الي سرقوها ركبو مع صديقهم والشرطه عندهم علم وكلمو صديق الي سرقو السيارهـ والى الان ما سوو له شي واتوقع ان عندهـ فيتامين ( و ) ومن النوع الطيب لان موضوع السيارهـ اعتبروهـ الشرطه قضية وكل قسم شرطة يرسله للقسم الثاني بحجزة ان مالنا دخل  متوقع ان الي سرقها صاحب سمو ولا من الهوامير بالسعوديه لان الي اشوفه ما صار جديد والي صاير تعقيد لي و السيارهـ بالتشليح قصدي بالحجز عند رجال الامن البواسل ( والله من عذر طاش ما طاش فيهم البلا عيوبهم ما تنرقع )

ويا شينها لو سرقوك العيون الناهبه عفواً العيون الساهرهـ

التصنيف: عــام | تعليق واحد |

(جمعية الحاسبات السعودية مؤسسة غير ربحيه متخصصه في مجال تقنية المعلومات )حينما يتم ذكرها في الماضي او يتم وصفها كنا نفخر بها حيث تعتبر كا مرجع  للمهتمين بالتقنية يتم دعمه من قبل وزارة الاتصالات ولكن في الوقت الحالي نرى جميعة الحاسبات السعودية تمر في حالة نووم عميق وهذا ما شاهدتها وسبب ذكري انهم يمرون بنوم عميق لعدة اسباب ومن اهمها مقرهم اصبح مجهول لدى الكثير وانا اولهم حيث تم نقل مقرهم الى مكان اخر وبالتحديد في حي السفارات ولم يتم ذكر ذالك بموقعم التالي www.computer.org.sa وقد يكونون يسيرون مع مقولة ( الي يبينا يدور علينا ) وحتى من يبحث عنهم لن يجدهم بسبب ان ارقام الهواتف ايضاً مفصولة نهائياً وغير صحيحه بسبب الفصل
( حالة ركووود )
قبل عدة ايام شاهدة مجموعة الامارات للانترنت تريد تنظيم محاظرات ومؤتمرات تقنية في مدينة الرياض حيث كان الكثير مهتم لطرحها بسبب نوم جمعية الحاسبات السعودية او عدم اهتمامها بأن القادم من الخارج يقوم بدورها مع العلم ان رعاة المؤتمر جميعهم مؤسسات وصحف سعودية
( ما نريدهـ كا متابعين للتقنية )
هدفنا هو تعايشنا مع التقنية بالوسط المحلي لكي تظهر ابداعات سعوديه ترعاها جمعية الحاسبات السعودية ( لكن الواقع ما عندك احد )

وش السالفه مرات اكتب فصيح ومرات عامي << احس اني مدري وش ابي

التصنيف: برامج و تقنية | أضف تعليقك |

بسم الله الرحمن الرحيم

ها انا  والعياذ بالله من كلمة ( انا )  اعود من جديد للتدوين بعد الغائي لمدونتي السابقه التي كنت ادون فيها كل ما يجول بخاطري من افكار ومشاريع قد يكون اغلبها فاشل وهي كانت ساحة فضفضه في ما مضى وكان تدويني فيها بـأسم ×××××× ( لا ارغب بذكر الاسم لاني اريد ان تكون هذهـ المدونه مختلفه كلياً عن افكار المدونه السابقه ) والان يوجد من اطرح عليه افكاري وخواطري وكل ما يدور في جعبتي هو ليس من التقنيه كا المدونات وغيرها انمى من البشر  ( والله يحفظه ان شاء الله )

بدر العنزي

التصنيف: عــام | أضف تعليقك |